【網購2.0】IG店要進化「網上租舖」需求激增70% 年租較實體店更低 - 香港蘋果日報

telsaroadster.blogspot.com

還記得撲口罩的日子嗎？焦急的不只有買家，突如其來的海量訂單同樣令店家方寸大亂。每月平均花約1,200元租用網站的本地生活百貨品牌Hello Bear創辦人之一Wendy Lau說，今年一、二月瘋搶口罩高峰期，網店流量急升，幸得服務供應商臨時加大流量，否則生意恐付諸流水。

零成本的IG店和FACEBOOK (FB)店一直是店家創業首選，但近年愈來愈多商家不惜花錢「網上租舖」，向網站服務供應商「交租」建設官方網店，疫情期間經國際及本地網店服務供應商新開的網店增加逾七成。

「大家諗下自己一日有幾多時間，唔係對住公司部電腦，就對住部手機，你（商家）將盤business搬向線上，希望呢班人對住手機嘅時間可以搵到你，其實好正常。」SHOPLINE香港區總經理韋百濤（Plato）接受本報專訪時說。疫情爆發後此情況更甚，主力在香港、台灣及東南亞地區提供網店服務的SHOPLINE，今年首季試開網店的新商家按季增長逾70%，有商家於2至3月疫情爆發後，單月訂單量更超越整個去年第四季度。

「之前你冇諗過佢做線上嘅，宜家佢哋希望喺線上搵多條出路」，書商、旅行社如東瀛遊（6882）、縱橫遊（8069）亦變陣開網店救亡（見表），SHOPLINE本月亦由後援走到前線，開設網上書展，讓書商透過平台賣書，彌補今年實體書展延後的影響。

於美國上市的加拿大網店服務供應商Shopify（NYSE: SHOP），今年第二季新店數目同樣較首季增長71%，其中食品、飲料及煙草的商品交易總額按季錄雙倍增長。Shopify香港區負責人Frankie Ng接受《蘋果》電郵訪問時說，使用Shopify開店的香港服裝、健美產品及家電商家數目有增加趨勢，包括會員制名牌快閃購物平台OnTheList、智能燈品牌Nanoleaf及本地陶瓷品牌Loveramics。

網上租舖年租遠低於實體店租金

Plato坦言，不少使用SHOPLINE服務的網店，本身已營運IG或FB店。既然有免費渠道，為何要花錢租網店？他認為社交平台只是市場營銷的渠道，留言落單後，後續的付款、物流、存貨管理，全在社交平台以外進行。日子久了，生意愈多但愈辛苦，「你一日做5、6張單，人手做仲okay，但你做得好時，一日100張單，或者幾百張單，成件事人手其實係做唔到」。網店服務供應商的後台，可統一整合產品庫存管理、會員資料、支付等程序。

2015年創立的Hello Bear現為SHOPLINE的客戶，兩位創辦人Tommy Liu和Wendy Lau希望開獨立網店建立品牌形象，衡量過建立自家IT團隊及向網站供應商「買服務」的成本後，最終選擇了後者。Tommy說，免費軟件總要聘請人手操作維護，「咁樣（請人）都兩萬蚊一個月，又要subscribe hosting（訂購虛擬主機）嘅server（伺服器）」；品牌目前租用網店服務費用每年約1.4萬元，「同線下租金比較，可能你一個月嘅租都唔只呢個數」Plato說。目前SHOPLINE網店服務基本方案每月介乎379至629元，可加購額外功能；Shopify的方案每月收費介乎29美元（約225港元）至299美元（約2,317港元）。

設官網獲投資者垂青

網店「租金」與本港實體商舖租金相比九牛一毛，但網店會產生其他經營成本，Wendy和Tommy坦言：「萬幾蚊一年好似解決到好多嘢，其實你要有designer，marketnig同事，出貨同事，仲有網站最大成本反而喺物流，好多人expect免費送貨，呢啲嘢加加埋埋，零售角度真係冇咩錢賺」。不過，官網有利建立品牌，他們視網店為一項投資，將品牌建立成有影響力的「KOL」。「HKTVmall嘅客係HKTVmall嘅，我哋嘅客係我哋嘅客；喺HKTVmall你好容易被人取代，而且我哋唔係賣緊獨一無異嘅嘢」，網店令不同國家的品牌對公司信任度增加，「拎多咗貨嘅機會大咗，單單拎facebook page去傾，成功率冇咁高」，建立網店亦令Hello Bear獲得投資者駐資。

「其實做官網個branding會出好多，網址係你自己獨有嘅網址，產品風格、design可以喺官網度做晒唔同設計，所以官網係必須」Plato說；Shopify的Frankie亦認為品牌建立網站能更好控制品牌定位及培育更多忠誠顧客，令業務長遠保持增長。

零成本IG、FB店仍是網店創業首選

零成本的IG、FB店始終是創業首選。本地寵物蛋糕店dogdogdogbakery店主May（化名）說，社交平台開店「方便」、「無咩支出」，善用標籤（hash tag）即可讓人搜尋到產品，由於網店出售寵物蛋糕，物流運輸成本非常高，網店平台的物流配套未必合適，加上店主個人能應付每月訂單量，認為目前社交平台店配合Google的免費下單表格服務足以支持日常營運。

開店近一年的海外代購IG店eeumum_hk，店主Lika Leung和Bianca Cheung認為，代購未必需要獨立官網，反而現階段會選擇投放更多資源落廣告。一年來其網店只靠利用標籤及朋友網絡吸客，但即使網店追蹤人數上升，帖子觸及客戶的頻率卻愈來愈少，「由一開始有800幾個reach（觸及人數），到宜家反而得200 reach左右」。Lika認為，雖說IG店零成本，但「會迫你落廣告」。不過，由於社交平台廣告費「豐儉由人」，她們仍打算先花錢落廣告看效果；dogdogdogbakery亦認為，茫茫帖子中能找上門的客人有限，她每月會花200至300元落廣告吸客。

-----------------------------

【全球樓行】 Dream House零距離

屬於香港人的移民攻略

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：

iOS / Android