香港樓價長期高企難以置業，不少人更因業主加租而經常搬家，難有自己的安樂窩。一位人妻最近指與丈夫新租住一個新單位，她雖有意添置新的大型家具收納用品，使新居更整齊乾淨，但丈夫卻認為新居未必久住，寧願接收家人的舊傢俬，打算隨意布置新居作罷，令人妻大呻只是想「平平地整靚間屋，舒舒服服」。
該名網民在討論區「親子王國」以「(想呻下) 其實租樓就唔好買大型傢俱整靚間屋？」為題撰文，指最近租住一個較大單位，形容新居「空間大咗, 又見使咗」，故有意在淘寶購買較平的飾物櫃或書櫃，讓一直藏在箱內的飾物擺設「重見天日」。
可惜事與願違，丈夫及奶奶均認為非自置物業不會長期居住，毋須額外購買大型傢俬，故新居沿用舊屋衣櫃、電視櫃及睡床，並且接收了奶奶搬家時不要的舊地櫃等家具，丈夫亦無打算為家居設計構思。
事主本身則對家居環境較有要求，認為無論顏色、款式及用途，該批舊家具均不適合新居，而且目前尚有2箱擺設、飾物，以及4箱書本、漫畫和雜物未收納好，影響家居觀感，
「但我租屋都想住得開心, 唔想一屋都係箱...好似永遠都唔會unpack(開箱取出)完咁...」
新居簽２年死約 老婆盼住得舒服
她續指，新居租約註明2年「死約」，若非業主過分加租或變賣單位亦會計畫續約，短期內無意再搬家，故此才有添購家具裝飾新居的想法，又認為即使將來要搬家，亦可帶同有需要的傢俬離開，
「我係諗住一住就幾年，我唔係想成日想搬㗎，你估搬屋好好玩咩？！我想係度住呢2年以上，可以平平地整靚間屋，舒舒服服...其實租樓真係唔好買大型嘢咩? 」
網民：下下中途宿舍等搬咁 唔舒服
事主的處境引起網民熱烈討論，有人亦贊成事主購買喜愛的家具，「租咗起碼住一至二年，買自己鍾意嘅家具冇問題呀」、「一件嘢用到兩年就算要掉也已值回票價」、「如果租就不置家具，下下中途宿舍等搬咁，會住得唔舒服」；但亦有不少人認為其丈夫及奶奶的說法不無道理，「租屋有機會好快又搬，傢俬未必合用」、「想住幾多年唔係完全你話事」、「一陣業主要賣，畀錢你走你都煩」、「租屋真係唔好買大型（傢俬），一嚟未必住好耐，要搬好麻煩。之後間屋尺寸又不一定啱，如果揾人丢，收費分分鐘貴過你買傢俬嘅錢」。
租客經驗：買小傢俬拼砌方便重用
有網民表示自己亦計畫租屋居住，為免遇上同類煩惱，會避免購買大型傢俬，「如果要搬一來煩，二來新地方未必啱位，訂造傢俬就唔適合」，建議可以購買小型或現成的組合櫃，「容易拼砌搬位，萬一搬都多數用得着」；也有人建議，可以配合新居風格購買牆貼翻新舊傢俬，「少少錢就可以有煥然一新嘅感覺」。
每朝索取《晴報》：精明生活．健康家庭．開心娛樂
撰文︰黎穎芯
August 26, 2020 at 06:08AM
https://ift.tt/3huEYG9
【租屋煩惱】租屋2年怕會搬老公禁買新傢俬老婆不滿：我想平平地整靚間屋- 晴報- 家庭- 家居 - 晴報 Sky Post
https://ift.tt/2ATIWIz
Bagikan Berita Ini
0 Response to "【租屋煩惱】租屋2年怕會搬老公禁買新傢俬老婆不滿：我想平平地整靚間屋- 晴報- 家庭- 家居 - 晴報 Sky Post"
Post a Comment